Словенечкиот претседател Борут Пахор, кој присуствува на трилатералната средба со претседателите на Хрватска и Австрија на Бриони Острови, изјави дека покренал иницијатива Европската унија да и даде на Босна и Херцеговина кандидатски статус без услови и преговори. Оваа иницијатива, рече, ја споделил со пријателите од ЕУ.
– ЕУ би инвестирала во мирот, безбедноста, просперитетот и европската перспектива на БиХ и поради тој прв потег последователно би побарала исполнување на условите, како што направивме ние. БиХ треба да излезе од маѓепсаниот круг во кој нема напредок или статус, како во секоја земја од Западен Балкан. Ако размислуваме за забрзани преговори со Украина, треба да размислуваме и за овој проблем. Треба да и помогнеме на БиХ каде што можеме. ЕУ може со добра волја да го направи првиот чекор, да покаже доверба дека имаме територијално кохерентна БиХ во ЕУ – рече Пахор.
Говорејќи за војната во Украина, тој ја осуди Русија за нападот на таа суверена држава и за првпат рече дека не е убеден дека решението може да се постигне по мирен пат.
„Русија немаше причина да ја нападне соседна Украина“, заклучи тој.