Состојки:
– 3 јајца
– 50 гр растопен путер
– 200 гр брашно
– 50 гр кокосово брашно
– 2 големи лажици шеќер
– прстофат сол
– 350 мл млеко
– 1 дл минерална вода
За фил и декорација:
– бел млечен или чоколаден крем
– стопено бело чоколадо
-кокосово брашно
Подготовка:
Измешајте ги брашното и кокосовото брашно. Во посебен сад изматете ги јајцата, шеќерот и солта додека не добиете пенеста смеса.
Додадете го растопениот путер и измешајте. Додадете половина од течните состојки (млеко и вода), измешајте и додадете половина од мешавината со брашно.
Полека мешајте додека не ги разбиете грутките. Потоа додадете ја другата половина од течните и сувите состојки.
Оставете ја смесата во фрижидер измеѓу половина час до еден час да отстои. После тоа на класичен начин испечете ги палачинките.
Полнењето на готови палачинки е многу едноставно. Најпрво намачкајте го кремот врз палачинката и посипете ја со малку кокосово брашно, а потоа завиткајте ја или превиткајте ја во триаголник.
Наполнетата палачинка прелијте ја со стопено бело чоколадо, дополнително посипете со малку кокосово брашно и декорирајте со додатоци по избор, темно чоколадо или овошје.