„Пинк Пантер“ уапсен во луксузна населба во Аргентина

од Nikola Popovski

Во Буенос Аирес е уапсен Звездан Бегиќ (34) од Подгорица, осуден член на криминалната организација „Пинк Пантер“.

Според аргентинскиот сајт „infobae.com“, тој влегол во таа земја со фалсификуван пасош на Европската Унија и живеел под лажен аргентински идентитет.

Бегиќ е осуден на 15 години затвор во Франција, а италијанската полиција го бара за грабеж во Милано, пишува црногорски „Вијести“.

Во текстот се наведува дека службени лица на Интерпол му ставиле лисици на рацете.

Франција, како што е објаснето, го барала од 2005 година, а Италија од 2017 година.

Бегиќ и неговиот колега, како што пишува на веб-страницата, влегле во златарницата во Сен Тропе во 2005 година и ограбиле накит вреден два милиони евра.

Бројни медиуми претходно објавија дека Бегиќ и Душко Мартиновиќ, двајцата, биле осудени на 15 години затвор во Франција за тоа, со доживотна забрана за влез во таа земја,

„Бегиќ и двајца колеги вооружени влегоа во златарницата „Paradiso Luxery“ и ја испразниле, земајќи 20 часовници Ролекс, две нараквици проценети на по 200 000 евра, по што побегнале“, стои во текстот на аргентинската веб-страница.

Според полициските извештаи, озлогласените „Пинк пантер“ се состојат од група од околу 200 члена – Срби, Хрвати, Црногорци, Босанци, од кои многумина имаат воено искуство.

Најчесто се товарат за грабежи на многу вреден накит.

Слични содржини