Претставникот на Министерството за одбрана на Ерменија, Аркрун Ованисјан ги обвини азербејџанските сили за употреба на турските ракетни системи „Каисгра“ во нападите врз главниот град на Нагорно Карабах.
Покрај нив, се користат и системите „Смерч“ и „Полонез“ во гранатирањето на Степанакерт, додалтој.
Претходно, портпаролката на Министерството за одбрана на Ерменија, Шушан Степанјан, објавила дека борбите на линијата за разграничување на Нагорно Карабах продолжиле и денес.
Според неа, борбите траеле во текот на целата претходна ноќ и со различен интензитет.
Од друга страна, Министерството за надворешни работи на Ерменија тврди дека силите на Нагорно Карабах ќе продолжат да даваат соодветен одговор се додека Азербејџан не престане да провоцира и извршува агресија врз тој регион со помош на Турција и други терористички милитанти.
New footage of today's shelling of Stepanakert. pic.twitter.com/62nGClW1b1
— Shushan Stepanyan (@ShStepanyan) October 4, 2020
Тие исто така наведуваат дека целта на Азербејџан од самиот почеток на конфликтот била да ги сокрие податоците за нападите врз градовите во Нагорно Карбах, иако биле забележани бројни цивилни жртви и била нанесена значителна материјална штета кога станува збор за цивилна инфраструктура.