155
Државниот секретар на САД, Мајк Помепо, денес изјавил дека САД ќе бидат повеќе дипломатски вклучени на Балканот.
Во тој контекст, тој напоменал што е направено кога станува збор за Белград и Приштина.
„Има уште многу да се направи. Тоа е процес, но направивме добар прв чекор. Ќе продолжиме да се ангажираме на сериозен начин“, изјавил Помпео во Дубровник, одговарајќи на новинарско прашање за потпишувањето на економскиот договор во Вашингтон и ситуацијата во регионот.
Тој додал дека Соединетите држави ќе продолжат да се ангажираат на Балканот, се вели во соопштението на Стејт департментот од прес-конференцијата што ја одржал Помпео во Дубровник по средбата со хрватскиот премиер Андреј Пленковиќ.