На 11 март Porsche ќе ја претстави врвната верзија на целосно електричниот Taycan, кој се очекува да го носи името Turbo GT. Оваа конкретна верзија беше на Нирбургринг и претходно и резултатот е толку добар што Porsche го откри уште пред официјалното претставување на моделот.
Тест-возачот Ларс Керн постигна импресивно време од 7:07,55 минути со него, што е подобрување за 26 секунди во однос на претходниот најдобар круг на болидот.
„Дваесет и шест секунди е половина вечност во мотоспортот. Времето на кругот на Ларс од 7:07,55 минути е сензационално, ставајќи го Taycan во иста лига со електричните хиперавтомобили“, рече Кевин Гиек, шеф на моделската линија.
Тоа е далеку подобро од најдоброто време на неговиот најголем конкурент, Tesla’s Model S Plaid. Најдоброто време на тој американски електричен седан е 7:25,23 минути.
Со овој резултат, Taycan Turbo GT е веднаш зад можеби најимпресивниот електричен хиперавтомобил на пазарот, Rimac Nevera, чие најдобро време забележано на оваа патека е 7:05.298.
Извештаите наведуваат дека Taycan Turbo GT ќе има ревидирана конфигурација на шасијата и нови аеро елементи (како фиксен заден спојлер).
Се очекува и Taycan Turbo GT да добие три електромотори со вкупно 746 kW/1014 КС.