Од ЈП, Паркинзи на општина Центар денес информираа дека само во изминатата седмица биле санкционирани 190 напрописно паркирани возила, кои го попречувале нормалното и безбедно одвивање на сообраќајот.
„Со помош на специјалните возила „Пајак“ на ЈП ПОЦ отстранети се 95 непрописно паркирани возила, а со поставување на механичко средство „Блокатор“ санкционирани се 95 возила кои биле затекнати во резидентни зони, а не биле корисници-резиденти на секторот во којшто биле паркирани“, се вели во нивното соопштение
Инаку, од таму апелираат до граѓаните да се придржуваат до пропишаните правила и прописи за безбедно однесување во сообраќајот со цел да се зачува безбедноста на останатите учесници во сообраќајот и реши проблемот со непрописното паркирање на комерцијалните и резидентните паркиралишта и улици на територија на Општина Центар.