Познат водител за непристојните понуди во актерскиот свет: Ако откријам некои имиња, дури тогаш ќе биде скандал

од Vladimir Zorba

Познатиот сопственик на српска школа за глума, Мирослав Мика Алексиќ, беше однесен во полициска станица синоќа, на 16 јануари, а српската актерка Милена Радуловиќ (26) тврди дека ја силувал кога имала само 17 години.

Овој случај одекна во српската јавност, а многу колеги од светот на актерството и испратија поддршка на Милена.

Дури и славниот актер и водител Драган Маринковиќ Маца не остана имун на овој случај. Сепак, тој посочи дека вакво нешто не е изолиран феномен и дека ако ги претстави имињата на сите оние кои им даваат непристојни понуди на девојки и дивојчиња на кастинг, ќе се случи скандал со неизмерни размери.

Кога станува збор за конкретен случај кој ја потресе, но и ја разбесни јавноста, Маринковиќ рече дека има луѓе и институции кои треба да истражат сè и дека не треба веднаш да се осудува и сите да се ставаат пред свршен чин.

– Она што јас знам кои се овие луѓе и ако ви кажам, нема да ви биде добро. Не сакам никогаш да осудувам, но дека станува збор за девојки кои се изложени на такви непријатности од актерите и продуцентите е голема вистина – рече тој во емисијата „Премиера – Специјален викенд“.

– Бев еднаш присутен кога добија таква покана од полупијани колеги да дојдат „како на кастинг“ – полупијани колеги кои би ги нарекол стока. Не би зборувал за овој случај, ужасен е, но вистина е дека има такви работи. Знам за некои имиња, ако ви кажам кои се тие, дури тогаш ќе биде скандал – додаде популарниот Маца, цитиран од српски „Телеграф“.

loading...

Слични содржини