Состојки:
– 2 пилешки батаци
Маринада:
– 1 лажица сенф
– сол, бибер, други зачини по желба
Смеса за поховање:
– 2 јајца
– 2 лажици брашно
– 3 лажици презла
– 1 лажица пармезан
– малку мелен црвен пипер
Фил:
– спанаќ
– фета сирење
Подготовка:
Исчистете ги коските од пилешките батаци. Ставете го месото во проѕирна фолија и малку удрете го со чекан за месо.
Месото премачкајте го со сенф и зачини, па ставете го во фрижидер еден час.
Готовото месо ставете го на фолијата и наполнете го. На едната страна од пилешкиот стек ставете спанаќ, а потоа фета сирењето.
Филуваниот стек цврсто и внимателно свиткајте го и ставете чепкалки, завиткајте ги во фолија и оставете го во фрижидер до поховањето и пржењето.
Непосредно пред ручекот извадете го пилешкото од фрижидер. Изматете ги јајцата и посолете малку.
Пилешко малку валкајте го во брашното, па во јајцата, а потоа во презлата измешана со пармезанот.
Го ставаме во загреано масло и го пржиме полека додека убаво да порумени. Пржете го пилешкото од сите страни. Извадете го прженото пилешко на хартиена крпа за да го впие вишокот маснотии и да се излади.
Изладеното пилешко исечете го на парчиња и послужете го со салата по ваш избор.