Украинската манекенка Дарија Кирлиук пред неколку дена објави фотографија на која се гледа како е претепана од чувари на плажа во Турција.
Дарија позираше со плачливо и крваво лице и шокираше многу следбеници. Таа рече дека повредите ги добила откако се забавувала со своето момче и пријателите на плажа која е дел од луксузно одморалиште, и каде одат само богати клиенти.
Но, откако објави сè на Инстаграм, беше обвинета дека ја измислила целата приказна, што дополнително ја разлути.
„Не сакам да молчам, сакам да кажам што се случи со мене, мојот дечко и нашето друштво. Бевме нападнати од чуварите на плажата Момо. Четири девојчиња, меѓу кои и јас, беа удирани по лицето, а момчињата во групата беа сериозно повредени. Сите детали ги кажавме во полиција. Не смееме да свртиме глави кон она што се случи и мора да сопре насилството врз жените“, напиша таа, додавајќи дека одговорните не сакале да објавуваат снимки од плажата и дека тоа значело дека тие кријат нешто.
Многумина ја поддржуваа во коментари, но некои се сомневаат во вистинитоста на нејзината приказна затоа што плажата е позната како безбедно место за богатите и славните, каде не се случуваат вакви работи.