Полицијата во Нов Зеланд пронајде тело за кое верува дека е исчезнатата бритaнска туристка, 22-годишната Грејс Мелајн.
Полицијата уапсила и 26-годишен маж и рекла дека тој ќе биде обвинет за убиство.
Грејс е ќерка на британскиот милионер од Есекс, Англија. Секаква трага ѝ се губи на 1. декември кога стигнала во Оукленд, кој бил една од станиците на нејзиниот пат околу светот.
Полицијата со прегледување на сигурносните камери утврдила дека последен пат е видена со маж пред хотел, а потоа ѝ се губи секаква трага.
Инспекторот на окландската полиција, Скот Бирд рекол дека доказите кои сега полицијата ги собира покажуваат дека Грејс не е жива.
Таткото на Грејс, 60-годишниот Дејвид Мелејн е градежен милионер, кој пристигнал во Нов Зеланд и одржал прес-конференција за јавноста во која не можел да ги сокрие солзите.
-Таа е прекрасна, отворена, љубезна, ќерка која ја сака целото семејство – низ солзи рекол Мелајн.
-Никогаш не поминало толку време без да се слушпнеме. Во Нов Зеланд пристигна на 20. ноември и не бомбардираше со фотографии и приказни за нејзините авантури. Страшно сме вознемирени и не можам да ви опишам низ што поминуваме – рекол таткото на Грејс, а потоа целосно се скршил пред сите.