Коста К.(13) не е луд и свесно го извршил грозоморниот масакр во ОУ „Владислав Рибникар“ на 3 мај на Врачар. Тој се однесувал со здрав разум и со задоволство ја напишал листата на жртви. Имињата и презимињата на списокот ги напишал со посебни букви, што покажува дека се нурнал во изведбата и го замислил чинот на убиство и реакцијата на општеството. Ова е оценката на д-р Радослав Свичевиќ, форензичар од областа на графоскопијата, кој го толкувал ракописот на Коста К., пренесе „Србија данас“.
Момчето-убиеc, инаку, направило список на жртви еден месец пред да ги убие осумте деца и чуварот во училиштето.
Ракописот не бил формиран
Професорот Свичевиќ забележува дека поради неговиот критички однос кон графологијата, што подразбира дека станува збор за „шпекулативно-псевдонаучна дисциплина“, може само да ја коментира психофизичката состојба на момчето во моментот на пишување на списокот на жртви.
„Напоменувам дека и оваа моја анализа може да се земе со резерва, бидејќи конечниот ракопис и потпис се формираат меѓу 16 и 18 години, како доказ за идентитетот, поради што ракописот и потписот се форензички на исто ниво со отпечатоци од прсти, ДНК профил и спектар на бои на ирисот во окото. Во врска со горенаведеното, користејќи фотографија од ракописот на Коста К., заслужуваат внимание следните факти: пречкртањето на имињата на неговите соученици укажува на селективен, аналитички пристап кон изборот на жртвите според некои критериуми познати само на него, што секако иде во прилог на добро зачуван разум“, објасни професорот и додаде:
„Следна карактеристика на овој ракопис е тоа што имињата се напишани со посебни букви, што укажува на потопување во претставата на замислената ситуација во времето на извршувањето на кривичното дело и реакциите на макро и микро општествената средина. Макро е училиштето, а микро е поширокиот општествен контекст. Додека го пишувал тоа, момчето си средувало во главата како ќе направи хаос, ќе ја наруши ситуацијата, како и тој ќе се прослави како херој“.
Инаку, по страшниот масакр, Коста е сместен во психијатриска клиника, бидејќи не е кривично одговорен бидејќи нема повеќе од 14 години. Тој веќе на првиот распит во полиција, во присуство на психолог и вработен во Центарот за социјална работа, не покажал ни трошка каење и мирно признал дека ги убил децата.
„Жал ми е што не ги убив сите ученици од списокот… Уживав додека ги слушав нивните врисоци“, рекло меѓу другото момчето-убиец.