Рама ја пречека Меркел со највисоки државни почести (ВИДЕО)

од Берта Китинска

Германската канцеларка, Ангела Меркел, пристигна во Тирана, каде што албанскиот премиер Еди Рама ја пречека со највисоки државни почести.

И премиерот Зоран Заев денеска во Тирана ќе присуствува на средбата на германската канцеларка Ангела Меркел со лидерите на земјите од Западен Балкан.

Заев ќе ја предводи владината делегација во чиј состав се и заменик-претседателот во Владата задолжен за европски прашања Никола Димитров и министерот за надворешни работи Бујар Османи.

Според агендата, предвидено е попладне владината делегација да има билатерална средба со канцеларката Меркел.

Во рамки на еднодневната работна посета, премиерот Заев ќе го посети и Македонскиот културен центар во Тирана.

Слични содржини