Министерството за транспорт и врски го распиша третиот јавен повик од проектот за Поврзување и санација на локални улици и патишта во општините низ земјата.
Овој повик опфаќа реконструкција и санација на 17 локални улици и патишта во 10 општини и тоа три улици во општина Штип, по една улица во Пехчево и Валандово, две улици во општина Градско, по три улици во Дојран и во општина Ново Село, и по една улица во Врапчиште, Липково, во Чаир и Шуто Оризари.
Вкупната инвестициска вредност за санација на овие локални улици изнесува 5 милиони евра.
Овој јавен повик е дел од Проектот за поврзување со локални улици и патишта преку кој Министерството за транспорт и врски вложува 70 милиони евра во локалните самоуправи за реконструкција на преку 450 километри локални улици и патишта.
Во рамките на првите два повика од овој Проект се реконструираат повеќе од 60 километри улици во над 35 општини низ државата.