Руската централна банка денеска објави дека нема подобри алтернативи од кинескиот јуан за своите резерви.
Минатата година јуанот го замени американскиот долар како најтргувана валута во Русија, додека пред војната во Украина обемот на трговија со кинеска валута на рускиот пазар беше занемарлив, објави Блумберг.
Медиумите забележуваат дека се уште има ограничени можности кинеската валута да се користи за руските резерви, бидејќи „финансиските инструменти на нациите кои се пријателски настроени кон Русија носат премногу ризик“.
„Курсовите на овие валути се многу нестабилни, со тргува со ниска ликвидност, а во одреден број такви земји има ограничувања на движењето на капиталот, што е пречка за нивно користење“, наведуваат медиумите.
Се додава дека овие фактори ја предодредуваат клучната улога на кинескиот јуан во формирањето на руските резерви. Медиумите потсетуваат дека Кина игра се поважна улога во руската економија, бидејќи претседателот Владимир Путин се обиде да ја преориентира трговијата кон Азија, подалеку од Европа, по санкциите поради војната.
„Трговијата со Пекинг беше клучен фактор што и овозможи на руската економија да ги надмине санкциите, заедно со зголемените државни потрошувачи“, забележуваат медиумите.
Централната банка соопшти дека улогата на кинескиот јуан на меѓународно ниво и неговата ликвидност значително пораснале во последните години. Блумберг наведува дека на 22 март девизните резерви на Русија изнесувале 590,1 милијарди долари, што е помалку за околу 40 милијарди долари за двете години од војната, покажуваат податоците на руската банка.
Ова ги вклучува резервите од околу 278 милијарди долари, кои се блокирани од западните земји од почетокот на конфликтот во Украина.