Шестмината осомничени за убиството на претседателскиот кандидат во Еквадор се Колумбијци

Шестмината странски државјани кои беа уапсени поради вмешаност во убиството на еквадорскиот претседателски кандидат Фернандо Вилависенсио се Колумбијци, потврди еквадорската полиција.

Вилависенсио, гласен критичар на корупцијата и организираниот криминал, беше застрелан додека го напушташе вечерниот изборен митинг во северниот дел на Кито.

Седмиот осомничен, кој почина од раните здобиени во размената на оган со полицијата, исто така е Колумбиец.

Инволвираноста на колумбиски државјани во убиството потсетува на атентатот на претседателот на Хаити, Џовенел Моиз во 2021 година, кој беше убиен во својот дом од група во која имаше 26 Колумбијци и двајца Хаиќани.