Откако постигна тројка за победа на Далас Маверикс на три секунди до крајот, со која неговиот тим дојде до 2:0 во финалето на Западната конференција, Лука Дончиќ диво го прослави кошот.
Словенецот долго време го одмеруваше Руди Гоберт, четирикратниот и актуелен најдобар одбранбен играч во лигата, а потоа погоди одличен шут за победа. Кога топката влезе во кошот, камерите веднаш ја уловија реакцијата на Дончиќ, кој „со избрани зборови“ го почести францускиот играч висок 216 сантиметри.
– Не можеш е*ено да ме чуваш! – викаше Дончиќ гледајќи во Гобер, кој во тој момент беше свртен со грб.
“Motherf*cker! You can’t f*cking guard me!”- Luka Doncic to Rudy Gobert 😳 pic.twitter.com/qV2AsJTOPW
— Complex Sports (@ComplexSports) May 25, 2024
По натпреварот, на прес-конференцијата новинарите го поздравија Дончиќ со прашање за таа ситуација, а неговиот одговор беше многу интересен.
– Кој го рече тоа? Јас не го кажав тоа, зборував словенечки – рече Дончиќ, чешајќи ја главата и криејќи мистериозна насмевка, со која практично ја откри иронијата во одговорот…
Reporter: "So he can't effin guard you, huh?"
Luka Dončić: "I didn't say that. I was speaking Slovenian." https://t.co/u1xZRdbzEc pic.twitter.com/r7wjoAGv1r
— The Athletic (@TheAthletic) May 25, 2024