Уредникот на британскиот Вог, Едвард Енинфул, во четвртокот објави дека септемвриското издание, во кое Меган била гостин-уредник, е најбрзо продаден број во историјата на британскиот Вог. Со цел тоа да го прослави, војвотката на Инстаграм споделила видео во која таа и Едвард разговараат за ова значајно издание.
На снимката, доста расположена и насмеана, војвотката во еден момент му подарува шешир со свветки за да прослават. Едвард Енинфун инсистира на тоа дека Меган е родена уредничка, пишува Hello.
„Никогап не сум видел ништо слично. Беше вклучена во целиот процес, од почеток до крај“, истакнал Едвард.
Тој додал дека бил многу возбуден кога влегол во Кенсингтонската палата за да се средне со Меган.
Војвотката истакнала дека модниот елемент на магазинот го препуштила на професионалците.
„Единствено ги прашав: ‘Дали се запознаени со кралскиот моден стил и код на облекување’ и ‘Можете ли во овој број да претставите облека која е направена од издржливи материјали?’ Дури тогаш без проблем ја препуштив работата на експертите“, прокоментирала Меган.
„Сакаше фокусот да биде на жените кои го менуваат светот, жените кои прават неверојатни работи, што всушност е и сржта на британскиот Вог“, додал Едвард.
Во продолжение погледнете го видеото: