Првиот контингент од 3.000 руски вакцини „Спутник v“ утре ќе пристигне во Северна Македонија, од договорените 100.000 дози.
Министерот за здравство на Северна Македонија, Венко Филипче, за новинарите изјави дека очекува руските вакцини да пристигнат на скопскиот аеродром околу 14:00 часот.
Тој рече дека системот за примање руски вакцини е подготвен и дека вакцинирањето на населението со „Спутник“ се очекува да започне во среда.
„Ги добивме сите потребни документи од руската компанија за да ја подготвиме административната постапка во Агенцијата за лекови и да подготвиме дозволи за ставање во употреба на вакцината за време на викендот и веднаш по пристигнувањето“, рече Филипче.
Во Северна Македонија, вакцинацијата на првата приоритетна група започна на 17 февруари, во која здравствените работници во Ковид центрите се вакцинираат со вакцини „Фајзер“, кои пристигнаа како донација од Србија.
Досега се вакцинирани околу 3.500 медицински работници со добиените 8.000 дози.