Столтенберг: Безбедноста на Косово е клучот за стабилноста на Западен Балкан

Генералниот секретар на НАТО Јенс Столтенберг денес изјави дека безбедносната ситуација на Косово е клучот за стабилноста на Западен Балкан.

„Одржувањето безбедна средина во Косово е клучно за стабилноста на регионот на Западен Балкан“, напиша Столтенберг на Твитер, во видео-обраќање по повод крајот на годината.

Тој посочи дека војната во Украина е најголемата криза со која се соочи НАТО по Втората светска војна.