Тачи: Никој не може да ја менува историјата на Косово

Косовскиот претседател Хашим Тачи се огласи со нова порака на Фејсбук во која порача дека „историјата на Косово не може да се менува“.

По објавувањето на информациите дека Специјалното обвинетелство во Хаг подигнало обвинение против него и Кадри Весели за злосторства против човештвото и воени злосторства, Тачи не даваше никакви коментари во врска со тоа, освен што вчера на својот Фејсбук профил постави слика со амблем на УЧК.

Денес Тачи покрај амблемот на УЧК додаде и текст.

„Никој не може да ја менува историјата на Косово“, напиша Тачи.

Специјалното обвинителство само неколку дена пред закажаниот состанок на делегациите на Белград и Приштина во Вашингтон го објави обвинението против Тачи и Весели.