Подароците за нашите сакани обично ги избираме внимателно затоа што сакаме да ги израдуваме. Но, сите понекогаш сме добиле подарок што воопшто не ни се допаѓа бидејќи тоа е нешто што воопшто не го користиме или го сакаме.
Во Соединетите Држави беше спроведено истражување за да се истражи кои подароци би можеле да бидат навредливи за другите. Во истражувањето учествувале 1.077 луѓе, а резултатите откриле кои три работи никогаш не треба да им ги давате на другите.
1. Пари
Иако дополнителни пари се добри за секого, тоа не е нешто што треба да им го давате на другите. Пораката што ја испраќате е дека не сте успеале да се потрудите и да сфатите што навистина би сакала другата страна и дека најлесно ви е да застанете на банкомат. Вкупно 18% од испитаниците изјавиле дека ова е навредлив подарок.
2. Предмети за домаќинството
Давањето некои предмети за домаќинството, како што се предмети за чистење или готвење, може да биде особено иритирачко и навредливо за друго лице. Дури 18% од испитаниците имаат такво мислење, пренесе Best life. Имено, овој вид на подарок сугерира дека другиот не си ја врши добро работата, без разлика дали тоа е готвење, чистење или некоја трета активност со која е поврзан подарокот. Покрај тоа, 13% од испитаниците во сите возрасни групи веруваат дека никогаш не треба да подарувате никакви работи поврзани со чистење.
3. Производи за убавина и лична нега
Производите за убавина и лична нега исто така сугерираат дека не сте направиле доволно за другата личност. 15% од испитаниците сметаат дека ваквите подароци се навредливи.