Тим од 200 луѓе од турската Национална разузнавачка организација (МИТ) откри мрежа на оперативци на израелската разузнавачка агенција Мосад кои тајно извршувале операции и активности против израелските противници и странски студенти во Турција.
Според Daily Sabah, мрежата се состоела од пет одделни ќелии од по три лица, а МИТ ја следела една година.
По размената на информации со полицијата, единиците за борба против тероризмот фатија 15 шпиони во тајна операција спроведена на 7 октомври во четири провинции.
Шпионите, наводно, му давале на Мосад информации за странски студенти на турските универзитети, особено за оние за кои процениле дека можат да работат во одбранбената индустрија.
Истрагата откри дека една од ќелиите била особено важна бидејќи нејзините членови имале задача да комуницираат со теренските офицери на Мосад и да се среќаваат со нив во странство.
За време на овие состаноци, информациите и документите што се сметаат за важни за Израел, беа предадени на полициски офицери или „офицери на случај“, како што се нарекуваат во разузнавачката терминологија.
Мосад им плаќал различни суми на членовите на ќелијата за информации за студентите во Турција.
Еден од шпионите идентификуван како А.Б. бил еден од најважните членови на мрежата и бил задолжен за истражување на условите за живот на Палестинците во Турција.
Шпионот дејствувал како платен курир и неговото исчезнување било пријавено во Истанбул во јуни годинава, во обид да ги измами безбедносните сили.
Но, МИТ веќе ги следеле ќелиите во тоа време, според Дејли Сабах.