Командантот на руската Црноморска флота, адмирал Виктор Соколов, загина во ракетен напад врз седиштето на флотата во Севастопол на окупираниот Крим на 22 септември, заедно со уште 34 офицери, а уште 105 руски војници беа ранети.
Зградата не може повторно да се изгради, соопшти командата на силите за специјални операции на Украина, а пренесуваат бројни украински медиуми.
Информацијата на социјалната мрежа Х (поранешен Твитер) ја сподели и Антон Герашченко, советник на украинскиот министер за внатрешни работи.
Commander of the Russian Black Sea Fleet admiral Viktor Sokolov died in the missile strike on the Fleet's headquarters, along with 34 more officers. 105 more were wounded. The building is not suitable for restoration – Special Operations Forces of Ukraine. pic.twitter.com/2EQHl7WxJy
— Anton Gerashchenko (@Gerashchenko_en) September 25, 2023
Соколов беше назначен за командант на флотата во август 2022 година, а чинот адмирал го доби на 6 јуни оваа година. Адмирал Соколов е највисокиот руски офицер од сите ликвидирани во Украина од почетокот на војната во февруари 2022 година.
Ден по нападот, Украинците тврдеа дека убиле или раниле високи команданти на руската морнарица и дека ќе ги објават деталите што е можно поскоро. Тие тогаш изјавија дека нападот бил извршен за време на состанок на високи офицери на руската армија.
Командата на специјалните сили на украинската армија извести и дека во нападот на 13 септември во кој беше оштетен бродот Минск загинале 62 руски војници. Како што тврдат, бродот требало да исплови следниот ден на мисија, па на бродот бил целиот екипаж.