Европската куќа на фудбалот, УЕФА, направи мотивирачко видео со малиот силен Македонец, Јане Велковски кој има само девет години.
Јане е само едно од многуте деца во Македонија кои го сакаат фудбалот, но тој не е во состојба да се движи поради болеста на мускулите. Сепак, овој недостаток не го откажува малиот Јане кој во видеото зборува за тоа дека секој треба да го сака фудбалот и дека на секој треба да му се даде шанса да игра фудбал.
„Фудбалот ми значи сè. Кога играм фудбал, заборавам на сè. Кога гледам фудбал сум најсреќен. Јас не можам да одам, така сум роден, имам спинална мускулна атрофија. Сега сум голман, бранам во мојата електромоторна количка, можам да го водам тимот, да бидам капитен. Цела моја фамилија го сака фудбалот“, вели во видеото Јане, каде што е прикажан како игра фудбал и им дели совети на другарите од неговиот тим како да дадат гол.
https://www.facebook.com/FudbalskaReprezentacija/videos/1728804870486347/