Вчерашното пукање во дворот на Тетовската болница не е поврзано со здравството, уверува Меџити

Вчера во дворот на Тетовската болница дошло до судир на две групи. Случајно биле во дворот и колку што знам, двајца повредени се префрлени во Скопје, едниот во потешка, а другиот во полесна здравствена состојба, рече министерот за здравство, Фатмир Меџити за вчерашното пукање во Тетово.

Според министерот, причина за инцидентот биле проблеми меѓу групите.

Повредените се наоѓаат на Клиниката за анестезија, реанимација и интензивно лекување.

-Ваквиот инцидент нема поврзаност со здравството, информира Меџити.