Француската драма „L’événement“ за илегален абортус во 1960 -тите го освои „Златниот лав“ во саботата за најдобар филм на овогодинешниот филмски фестивал во Венеција.
Филмот, во режија на Одри Диван, ги плени гледачите со портрет на млада жена која очајно сака да ја прекине бременоста за да ги продолжи студиите, во време кога тоа значеше можност за многу строга затворска казна.
Големата награда на жирито му припадна на италијанскиот режисер Паоло Сорентино за „The Hand of God“, многу личен и интимен филм за загубата на родители кога имал 17 години.
Новозеланѓанката Џејн Кампион е прогласена за најдобра режисерка за „Моќта на кучето“.
Најдобра актерка е Пенелопе Круз, која ја доби оваа награда за нејзината улога како самохрана мајка во филмот на Педро Алмодовар „Паралелни мајки“. Таа игра една од двете слободни жени кои ќе се породат во иста болница.
Најдобар актер е Џон Аркила од Филипините, кој ја доби наградата за неговиот филм „On The Job: The Missing 8“.
Со објавувањето на победниците заврши 11 -то издание на Мострата, најстариот филмски фестивал во светот, по 11 дена, а критичарите велат дека беше доста тешко да се предвидат победниците оваа година.