Не станува збор за некаква посета на делегации на деловни ривали, туку за тоа дека Ferrari редовно проверува што и колку може конкуренцијата.
Според видеото, многу е живо пред седиштето на Ferrari. Тешко е да се видат толку многу автомобили заедно насекаде во светот, па не е изненадување што автомобилските папараци поминуваат многу време овде.
Еден од нив е Варис кој успеа да фати неколку интересни моменти.
Во поплавата од камуфлирани Ferrari се појавија по едно од Porsche и McLaren. Од таборот на првиот, очекувано беше 911, поточно GT3 RS, додека Британците ја избраа Artura. Според виденото, сосема е јасно во кого Ferrari ги гледа најсериозните ривали, пишува „Index“.
За потсетување, GT3 RS е придвижуван од атмосферски 4.0 шестцилиндричен мотор кој развива над 500 КС и е усогласен со седумстепен PDK менувач. Доволно е да се каже дека кругот во Нирбургринг е завршен за 6 минути и 49,328 секунди.
Artura е првиот plug-in хибрид на McLaren. Погонот е 3.0 V6 twin-turbo во комбинација со електричен мотор сместен во близина на менувачот. Батеријата има капацитет од 7,4 kWh и нуди минимален домет од околу 25 km. Ефектот на синергија е импресивен: 680 КС и 804 Nm.