Во Германија пристигнаа 2.000 американски војници

Првите американски војници за зајакнување на источното крило на НАТО пристигнаа во Германија.

Станува збор за 2.000 војници, откако претходно Пентагон одлучи да го зголеми американското присуство во регионот.

Причината е акумулацијата на над 100.000 руски војници и воена опрема на границата со Украина. Во Европа се очекува да пристигнат уште 1.000 американски војници.

Контингентот ќе биде распределен во Полска и Романија. Москва ги нарече акциите на Вашингтон деструктивни. И на аеродромот во Киев вечерва пристигна уште една пратка американска воена помош за Украина.