Вучиќ: Меркел е лидер на Европа, после неа ќе нема кој да ни се јави

од Nikola Popovski

Претседателот на Србија, Александар Вучиќ, изразил искрена благодарност до германската канцеларка Ангела Меркел за се што направила за Србија и Западен Балкан. Вучиќ, исто така, рекол дека „ние многу добро знаеме“ дека решавањето на прашањето за Косово, односно односите меѓу Белград и Приштина, е услов за пристапување на Србија во Европската унија, велејќи дека замрзнатиот конфликт не е решение.

Тој, исто така, признал дека се плаши како ќе изгледа Европа по Ангела Меркел и се прашува „кој од Европа ќе ни се јави и ќе ни каже дека мора да бидеме поодговорни, наместо да се расправаме“.

„Лично, горд сум што, по долгогодишна соработка, имав можност да бидам еден од учесниците, домаќин која ќе ја пречека канцеларката Меркел на крајот од нејзиниот мандат. Сакам да ѝ се заблагодарам за се што направи за Западен Балкан и Република Србија. „а разлика од многу други, нашата благодарност не трае кратко и кога таа не е тука како канцеларка, ќе зборуваме за неа на ист начин“, рече Вучиќ на заедничката прес -конференција по средбата со германската канцеларка во Палатата на Србија.

Тој потсетил и дека пред средбата меѓу него и Еди Рама во Берлин, последната средба меѓу премиерите на Србија и Албанија била во 1947 година.

„И денес, по само неколку години, јас и Еди Рама се слушаме на секои седум до десет дена, се гледаме секој месец, градиме патишта, отвораме граници, тоа е добро и за Албанија и за Србија“, рече Вучиќ.

Тој, исто така, изјавил дека проектот за брза железница ќе се реализира заедно со Европската унија и Северна Македонија.

„Ангела Меркел е без сомнение лидер на Европа. Можеше да го земе телефонот и да се јави на секој од нас и да влијае врз настаните во регионот… Се плашам како ќе се одвива ова понатаму, се прашувам кој од Европа ќе ни се јави и ќе каже дека мора да бидеме поодговорни, наместо да се расправаме“, рекол Вучиќ.

Слични содржини