Министерот за одбрана Александар Вулин рече дека албанскиот премиер Еди Рама, со изјава дека пристаништето Драч ќе биде косовоско, продолжува со напорите за создавање на „Голема Албанија“.
Во писмената изјава, Вулин наведува дека Европската унија, како и секогаш досега, ќе молчи на таа изјава и нема да преземе ништо.
„Шиптарите можат да се обединат и можат да заземат туѓи територии, а Србите не можат да бидат обединети дури и на своја земја, затоа се повторува лагата дека голема Албанија е природна Албанија, а Србите обединети во една држава се закана за мирот“, рече тој.
Тој вели дека „Голема Албанија“ е најава за „голема катастрофа, распад и уништување на држави и нации на Балканот“.
„Само обединети Срби можат да ја запрат „Голема Албанија“ и колку побрзо се обединиме институционално, толку побрзо ќе започне времето на мирот на Балканот. Она што ќе им го дадете на Шиптарите, не можете да им го забраните на Србите“, рече Вулин.