Нискобуџетната авиокомпанија Wizz Air објави дека нуди 100.000 бесплатни места на кратките летови за украинските бегалци.
Авиокомпанијата со седиште во Унгарија на социјалните мрежи објави дека е „посветена“ да им помогне на украинските бегалци да стигнат до нивните дестинации, пишува Би-Би-Си.
Седиштата ќе бидат достапни на летовите на Wizz од Полска, Словачка, Унгарија и Романија во март, соопшти авиокомпанијата.
WIZZ is committed to helping Ukrainian refugees reach their destination, wherever that may be. We are providing 100,000 free seats on short-haul flights departing from Poland, Slovakia, Hungary, and Romania in March. Book your travel at https://t.co/eDw80hGC2k pic.twitter.com/2duHFtPdr3
— Wizz Air (@wizzair) March 1, 2022
Повеќе од 660.000 луѓе ја напуштиле Украина од почетокот на конфликтот, според Агенцијата за бегалци на ОН, а најголемиот дел од бегалците го сноси Полска.
Околу 450.000 украински бегалци пристигнале во земјата, изјави заменик-министерот за внатрешни работи Павел Сефернакер.