„YouTube“ тивко имплементира нов формат на реклами, почнувајќи од септември 2022 година.
Претплатниците кои не се на „YouTube Premium“ ќе добијат до 5 реклами што не може да се прескокнат пред да започне видеото.
Веста изби кога неколку корисници на „YouTube“ почнаа да се жалат на „Twitter“ и „Reddit“ дека добиваат 5 реклами наместо 2, пред воопшто да го гледаат видеото.
youtube just gave me 5 long unskipable ads pic.twitter.com/FgUUrzZvoB
— The Ricked One (@LoganC01962550) September 8, 2022
По тој повод, YouTube излезе со официјален одговор на „Тwitter“ во кој ја признава ситуацијата и наведува дека новиот „феномен“ од 5 реклами ќе им се појави на корисниците кои гледаат одредени формати на реклами познати како „bumper ads“.
Како што објасни YouTube, овие реклами се кратки, обично траат околу 6 секунди и не можат да се прескокнат, наведува „Телеграф“.
So @YouTube 2 ads weren’t enough now y’all wanna play 5 ads that no one cares for AND I CANT SKIP ?
— Mermaidvee🧜🏽♀️ (@BadGyalVeeVee) September 7, 2022
„Bumper ads“ сè уште не се видливи за сите корисници на платформата бидејќи „YouTube“ се чини дека го тестира новиот формат меѓу одредена група корисници.
Засега повеќето корисници добиваат само две реклами пред да започне видеото, а не се знае точно кога системот со пет реклами ќе им се „сервира“ на сите корисници.