Во САД и Кина, класичните мотори ќе траат многу подолго отколку на Стариот континент.
Во интервју за Меркур, шефот на продажбата на марката „Фолксваген“, Клаус Зелмер, објави дека германскиот производител нема да има модели со бензински и дизел мотори во својата понуда во Европа во 2035 година.
САД и Кина ќе ги имаат на располагање уште некое време, додека недостатокот на инфраструктура во Јужна Америка и Африка значи дека овие региони ќе продолжат да примаат возила напојувани од бензински и дизел мотори.
„Во Европа, ќе престанеме (да ги нудиме) помеѓу 2033 и 2035 година, во САД и Кина малку подоцна“, изјавил Зелмер за германските весници, пренесува „Autonews“.
Фолксваген сака 70% од продажбата на Стариот континент да се состои од електрични возила до крајот на оваа деценија.