Жерар Депардје веќе не сака да биде Русин

Францускиот актер Жерар Депардје поднел молба за добивање на државјанство од Алжир.

Ако молбата му биде задоволена, тоа ќе биде четврто државјанство што тој го добива – по Франција, Русија и Белгија.

„Имам намера да живеам во Алжир, како Ерик Кантона, кој одамна е во градот Оран. Навикнат сум да живеам на многу места по малку, и Алжир ќе биде едно од нив. Сметам дека почитта кон луѓето во оваа земја е голема и затоа сакам да одам таму“, рече Депардје.

Актерот одамна се идентификува како граѓанин на светот. Тој веќе има три пасоши и насекаде, каде што добил државјанство, навистина живее по неколку месеци во годината.