Пејачот Аца Лукас ќе мора да плати казна од 70.000 динари (речиси 500 евра) бидејќи синоќа возел автомобил под дејство на алкохол, а исто така ќе добие и седуммесечна забрана за управување со моторно возило, дознаваат српските медиуми
Неговиот менаџер Саша Мирковиќ ги потврдиl информациите.
– Плати 70.000 динари за возење под дејство на алкохол. Казната е 60 000, а кога ќе се додадат судски трошоци, таа изнесува вкупно 70 000 динари. Тој доби 14 казнени поени, како и забрана за управување со моторно возило седум месеци – рече Мирковиќ.
Пејачот Аца Лукас синоќа бил однесен во полициска станица, откако беше запрен при рутинска контрола од сообраќајната полиција, при турбо-фолкерот одбил да направи алко-тест, по што избегал.
Органите за спроведување на законот веднаш ги информирале сите патроли за овој инцидент и Лукас бил брзо лоциран и запрен на територијата на Раковица. Потоа бил однесен во полициската станица во Палилула, каде било утврдено дека имал 0,95 промили алкохол во крвта.
– Да, ме задржаа, имав малку повеќе алкохол во крвта. Бев во полиција, тие си ја вршеа својата работа. Како и секој друг граѓанин, нема никаква разлика. Лага е дека сум бил арогантен и дека сум и кажал грди зборови на полицијата!“, изјавил Лукас по приведувањето.