Џенифер Анистон и Џастин Теру се едни од најмногу зборуваните парови во Холивуд. На неа речиси еднаш месечно ѝ припишуваат непостоечка бременост, а него го обвинуваат дека ѝ завидува.
Во неодамнешно интервју за Esquire Џастин одлучи да даде појаснувања за нивните односи.
Актерот изјавил дека него не го вознемирува фактот дека неговата сопруга заработува повеќе пари од него. Според информација на Daily Mail, годишниот приход на Џенифер од киното е околу $ 150 милиони, а Џастин како продуцент и режисер заработува “скромни” $ 20 милиони.
Теру пак е убеден дека ова не влијае на односите. “Таа е успешна, тоа е факт. Но, не се натпреваруваме. ”
Тој исто така истакна дека неговата сопруга го поддржува и му помага во пишување на сценаријата за новите филмови.
Според зборовите на Џастин, Џен има одлично чувство за хумор и секогаш прва ги проценува плодовите на неговото творештво.