Македонците кои живеат во Хрватска утре напладне (сабота) пред македонската амбасада во Загреб ќе организираат сатиричен протест против помилувањето насловен како „Општа Аблоција 2.0“
Протестот кој го организира Граѓанската иницијатива на Македонците во Хрватска, ќе започне во 11 часот на плоштадот Жртви на фашизмот и потоа ќе продолжи кон македонската мабасада, пред која ќе се предаваат молби за помилување кои потоа ќе се закачуваат на жица за да на крајот бидат ставени во коверт и оставени пред амбасадата.
Од Граѓанската иницијатива на Македонците во Хрватска сметаат дека процесот на помилување е нецелосен и слабо реализиран и дека се уште има простор да се аболицираат нови луѓе, и затоа преку мотото „Дојдете да ве помилуваме“ ги повикуваат сите Македонци кои живеат во Хрватска, како и сите оние кои би сакале да бидат помилувани да присуствуваат на утрешниот протест.
Повеќе информации за протестот на официјалниот настан на Фејсбук.