Едната од најуспешните македонски поп пејачки, Тамара Тодевска, вчера го одржа својот прв концерт во салата „Борис Трајковски“, по околу 15 годишна кариера.
Таа речиси три часа заедно со многу бројните музички гости се обиде да им ја пренесе сета своја енергија на нејзините обожаватели, и да им подари изведба во живо на омилените песни.
Иако е веќе бремена, Тамара танцуваше заедно со танчарите од “Брејк а лег“ на сцената, а се појави и во три различни аутфити, по терк на светските поп диви.
Покрај Даниел Кајмаковски, Врчак, Игор Џамбазов, ДНК и Влатко Илиевски, на сцената до Тамара застана и нејзиниот татко, како и саканата сестра Тијана, со која ги изведоа и хитовите “Rolling on the river“ на Тина Тарнер, “Uptown funk“, „Lady Marmalade“ , но и нашата балада „Признавам“ на Маријана и Росана.
Инаку Тамара, само неколку дена пред концертот го промовираше и видео записот за последната песна „Баш на тебе“ кој ви го приложуваме во продолжение.