96
„Ние, Обединети за Македонија уште еднаш ја истакнуваме нашата поддршка и нашето учество во борбата за демократизација на земјата, предводена од господинот Зоран Заев и СДСМ. Сметаме дека не е време за нагласување на идеолошките и други разлики кои постојат кај опозицијата и опозиционо настроените групи и граѓани, ова е време кога се загрозени основните начела и принципи за кои се залагаме: слобода, демократија и правичност. Уште еднаш ги повикуваме сите членови и симпатизери на ВМРО ДПМНЕ кои ги споделуваат овие начела да ни се придружат“, велат од ОМ.
„Никола Груевски не е Македонија, не е ниту ВМРО ДПМНЕ, тој е човек кој сите нè држи во заложништво и време е заедно да му кажеме гласно „НЕ”, порачуваат од партијата.
Во овие моменти сите добронамерни критики кон раководството на опозицијата, дури и оние оправданите нанесуваат штета на нашата борба и цел, затоа сметаме дека единствена цел на нашите критики треба и мора да биде режимот и партиската врхушка на Груевски.
Вистината ќе победи! Да живее слободна Македонија“, стои во соопштението на Обединети за Македонија.