Музички ѕвезди, продуценти и политичари оддадоа почит на легендата Дејвид Боуви, кој почина во неделата.

Водечки личности од музичкиот и шоу-бизнисот се сетија за влијанието на Боуви во музиката и неговиот уникатен стил.

Музичарот Пол Макартни изјави дека за него Боуви е голема ѕвезда и неговото творештво имало силно влијание врз музиката во Велика Британија. “Неговата музика зазема голем дел од британската музичка историја и сум горд да се сетам на огромното влијание што тој го имаше врз луѓето во светот”, рече Макартни.

Поп иконата Мадона исто оддаде почит на Боуви, нарекувајќи го гениј и уникатен талент. “Овој голем уметник го промени мојот живот”, напиша таа.

Музичарите од “Ролинг стоунс”, исто така ја изразија својата тага по загубата на британскиот музичар. “Ролинг стоунс” се шокирани и длабоко тажни поради веста за смртта на нашиот драг пријател Дејвид Боуви. Освен што беше неверојатен и необичен човек, тој беше и исклучителен уметник “, рече групата за музичарот.

Својата тага ја споделија и рок ѕвездите Иги Поп и Тони Вискони, долгогодишен продуцент на Боуви. “Една година знаев дека така ќе бидат работите. И покрај тоа не бев подготвен за тоа. Тој беше извонреден човек, исполнет со љубов и живот “, напиша Вискони.

Својата почит ја оддадоа и раперот Кание Вест и продуцентот Фарел Вилијамс, кои го оценија Боуви како иноватор и инспирација.

Покрај претставниците на музичката сцена, голем број политичари, исто така изразија тага по загубата на музичарот. Британскиот премиер Дејвид Камерон изјави дека е израснат со креативноста на Боуви и за него неговата смрт ќе е огромна загуба.

Од своја страна германското Министерство за надворешни работи напиша: “Збогум, Дејвид Боуви. Сега ти си меѓу ѕвездите. Благодарам што помогна да го отфрлиме ѕидот “.

Креативноста на Дејвид Боуви е револуција во светот на музиката. Таква оценка за неговото музичко наследство направи францускиот премиер Мануел Валц. “Дејвид Боуви – совршено необичен и повеќеслоен уметник кој направи револуција во музиката. Тој е херој на рокот, кој секогаш ќе тера нашите срца да треперат “, напиша францускиот премиер на страната на” Твитер “.

Генералниот секретар на НАТО Јенс Столтенберг го нарече познатиот британски музичар “вистинска легенда”. Тој снимипоследен албум, но неговата музика ќе остане засекогаш “, изјави Столтенберг, па сподели и кои се неговите омилени песни на Боуви:” Hunky Dory “,” Ziggy Stardust “,” Low “,” Heroes “.

Британската музичка легенда почина во неделата по 18-месечна битка со ракот. Последниот албум на Боуви – “Blackstar”, беше издаден на 8 јануари оваа година, на неговиот роденден. Дејвид Боуви е носител на бројни музички награди, вклучувајќи ја престижната награда “Греми”.

Во 2004 година списанието “Ролинг Стоун” го стави на 39-то место во “100-те најголеми уметници во рок музиката на сите времиња”.