60
Вечерва по четврти пат во Охрид ќе се одржи културно забавната манифестација „Бело Лето“, со која ќе се означи почетокот на овогодинешната летна сезона.
Според најавите, во рамките на манифестацијата во 19 часот во предворјето на црквата на „Света Софија“ концерт ќе одржи Владимир Василески Четкар Секстет. Во 21 часот предвиден е настап на перкусионистичка група „KARANOS waterfall drums group“ од Воден, Грција, со дефиле од „Света Софија“ до градскиот плоштад „Климент Охридски“, до плоштадот кај Чинарот и до малиот плоштад кај „Долна Порта“.