Температурите во делови од Сибир се спуштија до минус 50 степени Целзиусови, додека снежните виулици ја затрупаа Москва со рекордни снежни врнежи.
Многу летови се одложени или доцнат.
Во Република Јакутија (Саха), која се наоѓа во североисточниот дел на Сибир и дом на Јакутск, еден од најстудените градови во светот, температурите паднаа под минус 50 степени Целзиусови, покажуваат метеоролошките станици во регионот.
A panda is enjoying bamboo leaves during heavy snow in Moscow on Dec 3, 2023 ❄
The main weather station recorded 11 mm of snow with the current snow depth above 25 cm. pic.twitter.com/7Xo6mR2tZz
— Thunder26 (@Thunder261) December 4, 2023
Поради невообичаено рано заладување, температурите се дури и пониски од минус 50 степени Целзиусови во неколку области на Јакутија, огромен регион само малку помал од Индија.
Речиси цела Јакутија е во зоната на вечниот мраз. Во главниот град на регионот Јакутск, кој се наоѓа на околу 5.000 километри источно од Москва, температурата беше околу минус 44 степени до минус 48 степени Целзиусови.
Температурите од минус 50 Целзиусови степени станаа поретки во последниве години поради климатските промени, а вечниот мраз покажува сè поголеми знаци на одмрзнување.
🔴 BREAKING || Roads outside the US Embassy in Moscow are being cleared from blocking snow after a rare blizzard, named Oliver, had swept across the Russian Capital causing the heaviest snowfall since 1953. pic.twitter.com/dEXHnBpO0t
— Bloomberg Whistleblower (@bloombergblower) December 3, 2023
Во руската престолнина, некои од најобилните снежни врнежи некогаш забележани предизвикаа одложувања на некои аеродроми во понеделникот, при што пистите беа покриени со густ снег.
Најмалку 54 летови се одложени, а уште пет се откажани на трите најголеми аеродроми во главниот град, јави новинската агенција РИА.
Се предвидува дека температурите во Москва ќе се спуштат до околу минус 18 Целзиусови степени кон крајот на оваа недела.