Градоначалникот на општина Валандово, Перо Костадинов најави дека се воведува нова еднократна парична помош во висина од 20.000 денари, за семејствата со лице со попреченост од општина Валандово.
-Мерката ќе започне со реализација во тековната 2022 година и право на користење на истата ќе имаат сите семејства во кои има лице со попреченост.
Покрај ова мерка, општина Валандово претходниот период воведе и еднократна парична помош за првачиња; социјално загрозени граѓани; новороденчиња.
Додека пак за наредниот период, планирана е и мерка која ќе ги подджи самохраните родители од општината. Развојот на заедницата може да се обезбеди единствено преку целосна инклузија, силна емпатија и безусловна солидарност, како основни човекови вредности, соопшти Костадинов.