Овие петмина млади луѓе веќе успеале да станат милијардери. Нивните фирми вработуваат и повеќе од 50 илјади луѓе,а колку пари имаат и самите не знаат. И додека некои со сопствени раце си направиле царство, некои се родиле со златна лажичка и наследиле вистинско богатство.
Кајли Џенер
Најпознатата на оваа листа е дефинитивно најмладата сестра на Кардашијан-Џенер. Нејзиното богатство се проценува на милијарда долари, а поголемите пари ги заработила благодарение на фирмата за козметика. Интересен е фактот дека на само 22 години стана најмладата милијардерка на светот.
Густав Магнар Витзо
Иако има само 26 години, „тежок“ е вртоглави три милијарди долари. Неговиот татко, исто така Густав, е сопственик на компанијата SalMar која се занимава со одгледување и продажба на лососи. Рибите ги извезуваат по целиот свет, а најголеми пазари им се Америка, Канада, Русија, Норвешка, Јапонија. Но, парите не го поштедиле од затвор. Имено, пред неколку години возел со 120km/h на улица каде е дозволено 60. За тоа отслужил казна од две недели.
Александра и Катарина Андерсен
Сестрите Андерсен наследиле 1,4 милијарди долари. Семејството остварило богатство во тутунската индустрија. Александра се занимава со јавање и најмногу време поминува со коњите во Норвешка. Досега има победено на повеќе натпревари. И додека Александра и нејзината сестра уживаат во богатството, Дејли мејл открива дека семејството се збогатило од плантажи со тутун во Малавија и Зимбабве каде работат и деца од 10 години. Портпаролот на компанијата рекол дека тие не можат да направат ништо.
Џон Колисон
За разлика од сестрите Андерсен кои го наследиле богатството, Џон со својот брат пред десет години основале фирма за интернет плаќање. Денес браќата од Ирска „тежат“ околу 2.1 милијарда долари, а пријателите ги опишуваат како добри и едностави момци кои парите не ги смениле.
Ана Каспрзак
Ана е една од наследничките на компанијата ECCO чии производи се продаваат во 90 држави во светот. Во својата Данска, освен по парите, позната е и како одлична јавачка. Се натпреварувала и на Олимписките игри во Рио каде завршила на 14 место. Компанијата ECCO на почетокот се занимавале со продажба на патики, а подоцна го прошириле својот бизнис.