Папата Франциск смета дека конфликтот во Украина е светска војна

Папата Франциск изрази уверување дека конфликтот во Украина е светска војна и дека нема наскоро да заврши.

„Претседателот на Украина, Володимир Зеленски, по трет пат ми испраќа еден од своите советници за религиозни прашања. Во контакт сме, прифаќам, помагам“, рече папата Франциск во интервју за шпанскиот весник ABC.

Поглаварот на Римокатоличката црква изјави дека не гледа крај на конфликтот во Украина во догледна иднина, бидејќи, според него, тоа е светска војна.