Лидерот на СДСМ, Зоран Заев, на одговор на новинарско прашање дали ако ги изгуби СДСМ изборите ќе се повлече од лидерската позиција, вели дека не ни помислувал да ги изгуби изборите, па затоа не размислувал за оставка.
„Воопшто не ми паѓа на памет дека ќе изгубиме, ние мислиме на победата, мислиме на вредностите. Ниту една ќелија од мозокот не размислува што би било ако изгубиме, нема да изгубиме, како ќе изгубиме. Ќе победиме секако. На крајот, народот одлучува, народот ми даде мандат, јас управував со нашата земја и кога народот ми го даде тоа право, носев одлуки, еве земјава станува членка на НАТО, на патот кон ЕУ сме, расте економијата, растат параметрите од сите аспекти, сега е на ред народот. Народот одлучува, да се радуваме на демократијата, како ќе одлучи народот, така нека биде, народот одлучува. Ние треба да направиме се, да се претставиме како кандидати со нашите програми и на крај да си одлучи народот“, рече Заев.
Лидерот на СДСМ посочи дека е важно да се има фер и дмеократски избори, како и да се има слобода на гласање, бидејќи како што нагласи, тоа е најважно.