Приказната која кружеше изминативе неколку дена се оствари. Винсент Компани е нов тренер на Баерн Минхен и според угледниот „Скај Спортс“ клубот од Германија ќе плати отштета од 12 милиони евра!
Компани работеше во Барнли во последните две сезони, прво го одведе во Премиер лигата, а потоа летово испаднаа во Чемпионшип.
Прва тренерска работа му беше Андерлехт, каде во сезоната 2019/20 беше играч-тренер, а потоа уште две години ја извршуваше само функцијата шеф на стручниот штаб.
Кариерата ја започна и ја заврши во овој белгиски клуб, а претходно играше и за Хамбугер и Манчестер Сити со кои четири пати беше шампион на Англија.
🚨🔴 BREAKING: Vincent Kompany will sign in as new Bayern manager, here we go!
Agreement between clubs with Burnley on €12m fee, contract terms already sealed.
Kompany will become new Bayern head coach on three year deal — it’s done after story reported on Monday. 🇧🇪 pic.twitter.com/c1KZLGIIxs
— Fabrizio Romano (@FabrizioRomano) May 25, 2024
Да потсетиме, оваа сезона Баерн заврши на третото место во Бундеслигата, беше елиминиран во полуфиналето од Лигата на шампионите, а Томас Тухел не сакаше да остане, иако Баварците во еден момент сепак сакаа да го задржат.