Говорејќи на Безбедносната конференција во Минхен, американскиот претседател Џо Бајден ја обвини Русија дека се обидува да ги наруши трансатлантските односи меѓу САД и нејзините сојузници.
„Секој знае дека Русија се обидува да го ослабне „европскиот проект“, како и нашиот сојуз во НАТО, затоа што за неа е полесно да заплаши одредени земји отколку да преговара со обединет трансатлантски сојуз“, рече тој.
Бајден, исто така, истакна дека не сака да го врати светот во ситуација слична на Студената војна. „Соединетите држави претпочитаат мир во кој секој може да избере свој развојен пат без закана со сила“, нагласи тој.
Тој исто така рече дека Америка се врати на светската сцена и посочи дека соработката со европските партнери е „камен темелник“ на надворешната политика на Вашингтон.
„Сакам да им се обратам на сите – Америка се врати! Трансатлантскиот сојуз се врати, нема да погледнеме назад“, рече Бајден.
Американскиот претседател, исто така, истакна дека сојузот меѓу САД и Европа е клучна работа во односите меѓу двете страни кога станува збор за светската политика.
Покрај тоа, американскиот лидер потврди дека Америка е посветена на гарантирање на безбедноста на сите членки на НАТО, како што налага нејзината основачка повелба, што подразбира дека напад врз која било членка е напад врз целата Алијанса.
Бајден рече и дека американските и европските партнери треба „да се борат против Кина“.
„Конкуренцијата со Кина ќе биде силна. Тоа е она што го очекувам. И тоа е она што го поздравувам “, рече Бајден.