САД размислуваат за дипломатски бојкот на претстојните Зимски олимписки игри во Кина, изјави пред новинарите американскиот претседател Џо Бајден.
Запрашан да ги коментира извештаите на американскиот печат за можен дипломатски бојкот на Олимпијадата во Пекинг, тој рече: „Ја разгледуваме оваа идеја“.
24-тите Зимски олимписки игри ќе се одржат во Пекинг од 4 до 20 февруари 2022 година, а Параолимписките игри од 4 до 13 март.
Како што објави во вторникот „Вашингтон пост“, американската администрација планира да се договори за дипломатски бојкот на Олимписките игри во Пекинг, што би вклучувало и одбивање да испрати официјални лица на настаните по повод овие натпреварувања.
JUST NOW: I asked Biden whether he supports a diplomatic boycott of the Beijing Winter Olympics.
He replied: “Something we’re considering.” pic.twitter.com/y9jZR9WZYC— Peter Alexander (@PeterAlexander) November 18, 2021
Весникот објаснува дека конечната одлука за ова прашање во Вашингтон се уште не е донесена.
Сепак, според „Вашингтон пост“, Бајден веќе добил препораки за бојкот, со кои има намера да се согласи.
Одлуката на претседателот се очекува, наводно, пред крајот на овој месец.
Фото: Profimedia